City-Sámit searvái mearkkašahtti veahkkeruhta

Suoma kulturruhtarádju lea mieđihan searvái 100 000 euro veahkkeruđa "Sámegiela ja –kultuvrra ealáskahttimii oaivegávpogis: mánáid ja nuoraid doaimma joatkima dorvvasteapmin ja davvisámegielat giellabeasi plánenbargui."
Suoma kulturruhtaráju veahkkeruhta lea oasseruhtadeapmin 3-jagi Máttabiegga-fidnus, masa searvi lea ohcan ruhtadeami maiddái eará gálduin. Máttabiegga-fidnu mihttomearrin lea dahkat iežaslágan sámekultuvrra oaivegávpotguvlui. Viiddis fidnu sisttisdoallá fálaldagaid mánáide, nuoraide ja maiddái ollesolbmuide. Okta dehálaš mihttomearri lea davvisámegielat giellabeasi vuođđudeapmi Helssegii. Searvi láhčá oaivegávpotguovllu mánáide, nuoraide, sámebearrašiidda ja eará sápmelaččaide vejolašvuođa ealáskahttit kultuvrraset ja gielladáidduset.
City-Sámit álggáhii borgemánus 2012 Uksa sámemáilbmái -prošeavtta, man Suoma kulturruhtarádju lea maiddái ruhtadan. Searvvi aktiivvalaš mannan jahki, jeavddalaš dáhpáhusat, lahttomeari lassáneapmi ja álggahuvvon prošeavtta bohtosat jáhkihedje maiddái Suoma kulturruhtaráju joatkit oaivegávpotguovllu sápmelašvuođa doarjuma. Uksa sámemáilbmái -prošeakta nohká 15.4.2013, muhto dálá riekkes- ja bargobádjedoaibma joatkašuvvá ja šaddá vel eambo máŋggabealagiin ođđa fidnu ja Suoma kulturruhtaráju veahkkeruđa bokte.
Máttabiegga-fidnu ovdanbuktojuvvo dárkileappot searvvi jahkečoahkkimis 16.3.2013.

Lassidieđut:
• Sátnejođiheaddji Pentti Pieski, citysamit(at)gmail.com
• Facebook/ ry City-Sámit rs http://www.facebook.com/groups/183215438396008/

Áigeguovdilis áššit ja dáhpáhusat

Sámi álbmotbeaivvi ávvudeamit Helssegis

Oaivegávpotguovllu sámesearvi City-sámit rs cegge smávva sámegili guovdu Helssaga sámi álbmotbeaivvi. Narinkkatoris, Kamppi ovddas ordnejuvvon dáhpáhusa temán lea sámenuoraid kultuvra Suomas.
Sápmelašvuohta čalmmustahtto máŋggain vugiin beaivvi mielde. Dáhpáhusas leat gáktečájáhusat ja sámi ealáhusaid bargoneavvut. Báikki alde leat oaidninláhkái ja vuovdimassii sámi giehtaduojit ja boazobuktagat. Searvvi olbmot muitalit gussiide sápmelaččain ja citysápmelaččain. Dáhpáhusas leat maiddái mánáid ja nuoraid bargobájit ja musihkka miehtá beaivvi. Dálvebeaivvi lea vuogas návddašit liegga bohccobiergomáli, mii lea fállojuvvon gáhttagievkkanis.
Álbmotbeaivvi eahket joatkašuvvá dmu 20 restoráŋŋa Virgin Oilis nuorra sámemusihkkáriid loaiddastemiin. Kamppis ja Virgin Oilis leat mielde sápmelaš rap-artista Ailu Valle ja luođis ja álbmotmusihkas vástideaba Niillas Holmberg ja Roope Mäenpää. Eahketdáhpáhusas lea mielde maiddái DJ-Oula.
Dáhpáhusa ulbmilin lea čohkket oaivegávpotguovllu ja eará guovlluid sápmelaččaid ja juohkit váldoálbmogii dieđuid sápmelaččain, citysápmelaččain ja buktit ovdan smávva oasáža otná beaivvi sámi ealáhusain, kultuvrras ja musihkas.
Lassidieđut:
• Sátnejođiheaddji Pentti Pieski, City-Sámit rs, 040-5229 990, citysamit(at)gmail.com
• Lassidieđut maiddái Facebookkas /sámi álbmotbeaivi
• Lassidieđut artisttain: http://www.tuuparecords.fi/artistit
Álbmotbeaivvi prográmma:
14.00 Dáhpáhus álgá
14.30 Sámi soga lávlla ja gákti-show
15.00 Musihkka (Niillas Holmberg & Roope Mäenpää)
16.00 Musihkka (Ailu Valle)
16.30 Gákti-show
17.00 Musihkka (Niillas Holmberg & Roope Mäenpää)
18.00 Musihkka (Ailu Valle)
18.30 Gákti-show
19.00 Dáhpáhus nohká
Nuvttá sisabeassan

20.00-24.00 Sámemusihka konsearta restoráŋŋa Virgin Oilis. Ailu valle, Niillas Holmberg & Roope Mäenpää sihke DJ-Oula. Bileahtat5€

Mánáid lávus bargobádji dáhpáhusa áigge
Nuoraid bargobájis ráhkadit raddemearkkaid nu guhká go materiála reahkká
Giehtaduojit ja boazobuktagat vuovdimassii dáhpáhusa áigge
Bohccobiergomálli fállun dmu 14 rájes nu guhká go málli reahkká
Njoarosteapmi dáhpáhusa áigge
Sámeealáhusaid bargoneavvut ee. mohtorgielká ja njealjejuvllat ovdan dáhpáhusa áigge
City-Sámit searvvi olbmot muitalit gussiide sápmelaččaid birra dáhpáhusa áigge

City-Sámit searvi doarju oaivegávpotguovllu sámemánáid ja -nuoraid giela ja kultuvrra:
Sámásteapmi lunddolažžan gávpoteallimis

City-Sámit rs prošeakta Uksa Sámemáilbmái álggahuvvui 1.8.2012. Doaimma váldojoavkun leat oaivegávpotguovllu sámemánát ja –nuorat.

Mánáid ja nuoraid doaimma bokte aktiveret ja ealáskahttit oaivegávpotguovllu sámeservodaga sámegiela, -kultuvrra ja identitehta. Giđđii 2013 joatkašuvvi prošeavtta vuosttas dáhpáhus lea sámebearrašiid leaira Nuuksios čakčat. Eará doaibmahámit leat sámegiela kursa rávisolbmuide, earálágan sámekultuvrii gullevaš bargobájit, sihke vahkkosaš mánáid giellabeassedeaivvadeamit. Borgemánu álggus prošeaktakoordináhtorin álggahii Maija Lukkari . – Lean movtta, beasan bargat prošeavttain ollesáigge bargin, Lukkari láhttesta.
Searvi lea jagiid áigge válmmaštallan sámegiela ja –kultuvrra ealáskahtti prošeavtta. Prošeavtta ollašuhttima dagai vejolažžan Suoma kulturruhtaráju mieđihan veahkkeruhta. Ovttasbargu suomaruoŧŧelaš Arbetets Vänner i Sörnäs kulturservviin doarju prošeavtta ee. doaibmalanjaid fállama bokte.
City- Sámit searvvi sátnejođiheaddji gávnnaha, ahte gávpotsápmelašvuohta lea oassi otná beaivvi sápmelašvuođas. ”Dáinna prošeavttain searvi veahkeha oaivegávpotguovllus bajásšaddi sámesohkabuolvva sámegiela ja sámeidentitehta seailluheamis ja ovddideamis”, son muitala.
Prošeakta gárvvista info-pakeahta sámegielas ja -kultuvrras olgosápmelaš bearrašiid várás.

Prošeakta figgá maiddái lasihit váldoálbmoga diđolašvuođa sápmelašvuođas miehtemielalaččat ja áigeguovdilit.

Lassidieđut:
Prošeaktakoordináhtor Maija Lukkari, +358 40 515 44 72, mh.lukkari(at)gmail.co

---

Joho Niillas stipeanda 2012

Joho Niillas stipeanda Romssa universitehta sámegiela studeanttaide.
Stipeandda ulbmil lea movttiidahttit eanet studeanttaid lohkagoahtit sámegiela fágan. Studeanttat 2000-dási fáttáin ja mastergrádadásis vuoruhuvvojit. Mii juohkit gitta guokte stipeandda à 10 000 NOK. Ohcamat sáddejuvvojit e-poastta bokte. 2012 ohcanáigemearri lea vuossárgga cuoŋománu 16. b. 2012 dii 2359. Eanet dieđuid ja ohcanskovi gávnnat dáppe:

http://sa.uit.no/ansatte/organisasjon/artikkel?p_menu=72493&p_document_id=179053&p_dimension_id=88182

---

POHJOISEN SOUNDIT - JUUREVA ÄÄNIMATKA

Konsearta bearjadaga 30.3.2012 d 18.30 Balderin sali, Aleksanterinkatu 12, Helsset. Mielde ee. Wimme Saari. Lágideaddji Friends of Four Winds (www.fourwinds.fi).

---

SÁMI ORRUNLATNJA

Sámi orrunlatnja rahpasa sotnabeaivve 11.3., 15.4., 6.5. ja 10.6. d 14-17, buresboahtin!

Dán siiddus gávdnojit dieđáhusat Sámi orrunlantnja-doaimmas! Áidna siidu, man dárbbašša čuovvut: https://www.facebook.com/Orrunlatnja

Boahtimin maiddái sámegiela kursa easkaálgiide ja ollesolbmuide!

Sámi orrunlatnja -doaimma ulbmilin lea fállat Mátta-Suoma sámiide lunddolaš, sámegielat birrasa deaivvadit, oahpásmuvvat ja ságastallat.
Orrunlatnja ordnejuvvo álggus oktii manotbajis ja giellan lea sámegiella. Mielde leat goittotge buresboahtin maiddái sii, geat eai máhte sámegiela (vel) nu bures! Dáppe máddin mii sámit galgat buohkat bargat ovttas!

Prográmma:

  • Juohke háve orrunlannja álggus mánáid musihkka- ja stoahkanboddu
  • Dan manná beaivvi tema mielde doaimmat buotahkásaččaide. Temaid mii soahpat giđa mielde, muhto plánain lea ee. ovttaslávlun, ságastallan sámi beaivedivššus ja sámi oahpahusas oaivegávpotguovllus, oaggunreaisu jna. Temaid oažžžžu maiddái evttohit!
  • Dan lassin alo káfestallan ja ságastallan

Bovdehusa orrunlatnjii oažžu sáddet ovddosguvlui fulkkiide ja ustibiidda!

Sámi orrunlatnja čoahkkana Arbetets Vänner i Sörnäs -searvvi doaibmabáikkis Helssega Munkkiniemis, Porintie 1. Báikki ala beassa ratikkain nummir 4 ja linnjabiillain 14 & 18. Arbetets Vänner lea suomaruoŧŧelas kultursearvi, mii lea fállan báikki Helssega sámiid atnui