Mánáid áššit

lapset

Máŋggat mánnábearrašat leat háliidan sámegiel beaivedivššu ja oahpahusa. Searvi lea 2010 ordnen mánnábearrašiidda doaibmaeahketbeivviid borgemánu Helssegis Familiaklubbena sajis. Oahpaheaddjin doaimmai bajásgeassindiehtaga magisttar Karen-Anne Jomppanen. Máŋggabeallásaš sámegiel eahketbeaivi jovssai guhtta máná váhnemiiddisetguin. Oaivegávpotguovllu gielddat ja gávpogat leat maid ordnen sámegiel oahpahusa ja bajásgeassima sámemánáide, go váhnemat leat nu gáibidan ja doarjalan lágas mearriduvvon vuoigatvuođaide.
City-sámit rs lea áinnas addán prošeavttaide duogášdoarjagis: Kirkkonummi gieldda beaiveruovttus ollašuhttojuvvui giđđalohkanbajis 2010 geardde moadde manus sámegiela giellariššu, álo soames diibmu hávil. Mánát ledje muhtin. Oahpaheaddjin álggahii guokte jagi áigi Karen-Anne Jomppanen; váhnemiidfriija áigin sadjásažžan doaimmai mánáidstivrejeaddjistuđeanta Unna Syväjärvi.
Skuvlla bealde leat sámegiella oahpahusjoavkkut “sisafárrejeaddji ruovttugiella” -ásahusa mielde doaibman Vandas ja Helssegis.
Mánát leat maid oassálastán searvvi ordnen earálágán dáhpáhusaide, nugo biebmoráhkadeamegurssaide ja juovlafeasttaide.
“Mánáid doaimmas probleman lea ahte doaibma ii leat biisovaš iige oažžu servodatdoarjaga. Juo sajiid háhkan lea váigat. Mánnábearrašat leat olu ja stuorra oasis lea rehálaš hállu doarjut ja oažžut doarjaga sámegiela ja -kultuvrra sirdimii. Motivašuvnna geahpeda sihkkarit buot doaimma prošeaktaluondu ja eahpesihkarvuohta ollašuvvama hárrái. Mánáid ii sáhte bálkut mo beare sajis ja olbmos nubbái”, cealká okta unna mánáid eadni Maija Lukkari.

Sámegiel skuvlaoahpahus

City-sámit dieđiha maid vejolašvuođas lohkat sámegiela orrunsaji fuolakeahttá, sihke vuođđoskuvllas ja logahagas. Jus oahpaheaddji ja eará dárbbašlaččat eai ordnašuva, nu gáiddusoahpahusa mielde Anáris geahččaluvvo ainjuo ordnet. Lassidieđut oahpahusa birra Sámedikki Ulla Aikio-Puoskaris, ulla.aikio-puoskari at samediggi.fi.