Citysáminuorat

Citysáminuorat vuođđuduvvui jagi 2004 ja dan doaibma lea leamaš aktiivvalaš. Nuorat leat ordnen dáhpáhusaid Sámi álbmotbeaivvi áigge 2005−2007 ja johtán sámemárkaniin miehtá davvi kalohta.
Helssegis ordnejuvvojit čoahkkaneamit dássidit ja daid birra dieđihuvvojit E-boastalisttus ja Facebook-joavkkus Citysáminuorat. Čoahkkanemiin geavahuvvo sámegiella ja ságastallojuvvojit áigeguovdilis sámeáššiid birra nuorra gávpotsápmelaččaid geahččanguovllus.
Nuoraid aktiverenprošeakta 2009−2010
Nuoraid aktiverenprošeakta doaibma johtui bođii miessemánu 2009, go oaivegávpotguovllu sámenuorat gohččojuvvojedje čoahkkái plánet oktasaš doaimma. Plánenčoahkkin dollojuvvui guovddážis 13.5. Nuorat oaivegávpotguovllus oassálaste Ijahis idja -dáhpáhussii, mii dollojuvvui borgemánu 2009 Anáris.
Oaivegávpotguovllu sámenuorat oassálaste New Yorkas álgoálbmotdáhpáhussii miessemánu 2009 seamma láhkai go sámenuoraid konferensii Suoločielggis golggotmánu 2009. Oaivegávpotguovllu sámenuorat oassálaste golggotmánu Mari Boine konsertii Helssegis.
Doaibma lea joatkašuvvan seamma aktiivvalaččat maid 2010.
Nuoraid ovddasteaddji lei mielde Oslo mátkkis guovvamánu 2010 oahpásmuvvamin Oslo sámesearvvi doibmii, sadjái ja Oslo sápmelaččaide. Citysápmelaččaid searvi goasttidii mátkki. Citysápmelaččaid searvi oaččui guossástallama ánssus buriid ideaid doaimmas gárgeman.
Citysápmelaččaid searvi doarjjui nuoraid mátkki Ijahis idja -musihkka festiválii Anáris borgemánu 2010. Orruma juohkehaš ordnii ja goasttidii ieš. Golbma nuora gevve festiválas. Nuoraide addojuvvui vejolašvuohta identitehtas nanneman mannat sápmelaččaid oktasaš dáhpáhussii ja deaivvadit nuppi sámenuoraid.
Oaivegávpotguovllu nuorat ordnejuvvojedje biebmoráhkadeameeahkedat 30.10. ja 13.11.2010. Vuosttaš biebmoráhkadeameeahket čohkkii mielde 9 olbmo. Jođiheaddjin doaimmai Anni-Helena Ruotsala. Nuorat ráhkadedje bohccobiepmu ođđa reseapttaiguin. Nubbin biebmoráhkadeamebeaivin mielde ledje 13 olbmo. Oahpaheaddjin lei Pirita Kotavuopio Gáresavvonas. Gursa oahpaheaddji sirddii beaivvi áigge árvvolaš diehtu-máhtu nuorabui bulvii. Beaivvi áigge márfojuvvui bohcco varas. Biebmoráhkadeamebeaivviid ulbmilin lei čohkket oktii sámenuoraid ja oahpásmuhttit nuppiide ja ollašuhttit sámekultuvrra nu ahte oahpásmuvvo sámebiebmokultuvrii.